講返對車仔場波先,有一樣野一定要承認 ——- 英超球隊決心鬥心同集中能力都比其他隊強。車仔球員好集中,尤其隊守時,紀律性超強,其實呢隊車仔都好岩希丁黑教。

記得有人講過:其實巴塞皇馬呢d踢法好on 居,如果採用車仔曼聯踢法,主守先,踢反擊,擺美斯一個人去踢反擊,效果一定不會去杜奧巴或c朗差…

其實大家一定唔明白西班牙人的足球哲學,尤其代表西班牙的巴塞皇馬,叫佢地唔踢進攻足球悅目足球,咁佢地情願唔踢。皇馬教練(如卡比路)就算幫球會擺到冠軍都要抄,就係因為踢得太保守唔好睇。拉莫斯明知唔夠巴塞攻,都要同巴塞對攻,結果比巴塞大數,但係皇馬fans們都會感覺好過在主場全場龜縮,結果0比0完場,起碼輸得有尊嚴,其實冇話對錯,只是文化差異。

今晚巴塞會唔會好似上年咁又輸比曼聯呢?國皇如果又將yaya好似第二回合對車仔咁(為對付杜o巴)擺去踢中堅,咁巴塞會失去中場壓迫力,今到曼聯(車仔)得到更多反擊機會。不過我覺得最關鍵係罰波同角球,巴塞防守角球罰球真係唔集中,進攻角球罰球又冇威脅(可能係球隊真頭覺得根本唔使靠死球去入波,所以都唔重視)。以前巴塞角球唔掂,但係點都有個射到罰波的,如李華度列基美細哨等,但呢班就完全冇……呢個世界點解咁多曼魚fans,今日開會,個個都曼魚die hard fans.   GO BARCA!!!!