隱居波牛

甲中五畢業,知道自己讀書麻麻地,亦唔晒時間,即刻走去考消防(或差佬或其他紀律部隊),一年後考到,即刻入camp,岩岩19歲,人工14000蚊,每月儲蓄率好高(50%),即儲7000蚊(子濠真係同我講佢可以每月最少儲到7-8000蚊)(呢個儲蓄率高過波牛好多,而香港亦好少人可以做到50%以上儲蓄率,順便講埋,賺幾多係重要,但係儲幾多先係最重要),而佢將呢7000蚊選擇左較穩健的投資方法,用供盈富基金(2800)(經過97同08年金融風暴,証明以月供形式的平均成本法買入予恆生指數成份股掛勾的盈富基金係得o既)以恆生指數歷史增長計,大概每年有10%增長。不過我地再穩健多少少,假設呢個model每年有8%回報,咁條數係咁計:

第一年 87598

第五年 513898

第六年 642607

第十年 1268983

第廿年 4008621

第三十年 9923293

三十年後子濠49歲,可以拎呢一千萬去做定期收息(其實佢仲有自己的退休金或強積金的),跟住退休,真正財務自由。

乙成績同甲都係半斤八兩,但死都要讀上去,一定要讀個學位返黎,唔係點出去搵工???結果中七考得唔好,入甚麼副學士兩年,再接上去讀大學多三年(有d成績好的可以直接讀大學二年班,不過都係佔少數)。即係乙要用多6年,25歲先出黎做野(其實佢到時先發展自己乜工都搵唔到,結果都係走去考差佬或救護),而佢係呢6年入面o既成本係幾多,除左甲上面條數,佢仲借左二十幾萬學費去讀副學士同大學,一出黎做野,要還錢比政府還足5年(波牛當出黎做野頭5年都係還得好辛苦,好彩自己出去做part-time教gym先儲到dd)。兩個假設:

乙好叻仔,6年後一出黎做野可以開始儲到錢,每月8000(10000),回報亦8%

四年後(即甲的第十年) 451112 (563890)

十四年後 2424183 (3030228)

二十四年後 6683893 (8354867)

假設二,乙頭幾年要還錢,跟本儲唔到錢,要十年後先儲到錢8000(10000)蚊:

十年 1450266 (1812832)

廿年 4581281 (5726601)

你會發展無論你儲8000定10000蚊,做係追唔到甲的。

再講得深入少少:

甲儲10年錢後唔再供,由得舊錢(1268983)自己run落去,到左第三十年,條數會係 5914676,

而乙要比甲用多十年先儲到錢,即上面假設二,你會發展即使乙每用儲10000蚊,儲足20年都只係得到 5726601,都仲少過甲只儲10年錢,而每用只儲7000蚊的為少。呢d就係所謂o既 first move advantage 喇。

其實香港好多人都係要去到成30歲人先開始識儲錢,或者去到30幾40歲人先會諗退休或儲錢問題,到時已經太遲,佢地已失左最寶貴o既時間,你想做到7老80,定係50歲(做得好d40幾都得)就退休周圍去玩呢???呢d亦係所謂o既延遲享樂。其實又好似甲咁,佢可以一路做消防一路讀埋個所謂學位,有錢其實2年都可以讀完。

以上完全係9up假設,完全冇理過inflation及公務員福利等問題(其實inflation升,正常回報率都會上升)。而點解係9up呢?因為通常乙呢類人都係唔會識諗咁多野,亦唔會咁有紀律儲錢,而佢地o既消費model都係儲唔到錢的為多,所以上面條數根本就唔成立。而對屋企有錢o既人黎講,更加9up,要佢咁早出黎做野,簡直係辛苦佢。

但係對d屋企冇錢的黎講,大家係咪要諗多少少,波牛想你地有d人早d出黎做野,完全係唔想你咁自私,你父母早出晚返,去做清潔去送貨去做地盤賺辛苦錢黎為你,而你係咪唔應該將你的快樂建築在他們的痛苦身上呢?讀書麻麻的,係咪應該早少少出黎做野,盡快回饋家人,改善家庭環境呢?

記住:以上假設只係比d讀書唔係好掂的人同埋屋企冇錢的,讀書好得的或有錢的,千祈唔好聽我亂up。

另一個重點係—-波牛唔係叫你地去投資去炒股票,因為我身邊大部份豬朋狗友的所謂投資或買股票,都係輸錢居多,有個由細玩到大的已準備去申請破產。記住記住—-波牛只係叫大家儲錢同埋月供盈富基金(其實係香港政府驚市民輸錢而整出黎o既野,但係好多自以為聰明o既人都唔買佢,而走去鈔股要戰勝市場,結果…)

後記:波牛身邊最掂的都係當年升唔到大學,誤打誤撞中七之後去左做護士的(當年讀護士包食包住仲有人工),護士的人工在加入學歷及穩健等variables下,應該都係數一數二高的。

波牛一生人最後悔的一件事就係當年波有搵到份好正的政府工,但係唔做走去讀大學,結果出黎做野還足5年錢。如果當年波牛可以遇到個咁o既9up人,就唔使晒咁多gas先悟出今日的 “9道”。

Leave a Comment

Posted in 9唔搭8up

Posted by: gofootballer | 七月 20, 2009

好好好好消息

天大好消息—-子濠搞掂消防。真係太開心,仲開心過自己考到。波牛最開心最擔心最愛惜o既幾個波牛:朗平肯掂,因為走岩條路,一早就唔使煩。子濠亦肯跟我條路走,以後亦唔使再擔心。偉健幾時先肯認真去面對,人生有幾多個十九幾年呢???亞mak仲細,但係都要開始去諗了,當年子濠偉健,波牛都已經叫佢地去預備… 以前阿德馬騮考到,波牛都冇咁開心,始終子濠係我一開始就跟我踢波的,希望你地財務自由會比波牛更早。

唔知大家記唔記得,大概4年前,有個飛髮師傳跟我玩健身,中二學歷,年過三十,個仔讀一年級,波牛(當年仲有亞標的)又係發揮9up本色,叫佢去考紀律部隊,幫佢問左d毅進資料,估唔到佢老婆又支持佢,佢真係走去讀,仲好認真咁讀,o個時仲拎d數學返健身室問我,佢又百分數都唔識,26個字母都記唔晒,讀都好高分畢業,之後呢三年內不停考所有紀律部隊,亦不斷考好多牌,希望對佢投考有幫助,結果有志者事竟成,考到救護,6月尾入camp,大家明未服未

Leave a Comment

Posted in 9唔搭8up

Posted by: gofootballer | 六月 9, 2009

小波牛出世

小波牛在6月4日出世,體重3.42kg,健康。

http://www.union.org/hi_babe/image/6/9029719.jpg

3個回應

Posted in 9唔搭8up

Posted by: gofootballer | 六月 1, 2009

好波巴塞

周圍都聽到人話費sir又排錯陣又用錯戰術又換錯人…真係搞笑,好少人話曼聯輸波係因為巴塞勁或者曼聯差。彷彿全世界最勁就曼聯,輸波都係因為用錯戰術…

其實大家有冇思考下先講野呢???根本呢場波就同兩年前曼聯主場個時一樣,如果一開波時c朗球罰球直入或星仔執入,根本曼聯就好似上次咁叠埋心水守完場,咁到時咪又全世界都話費sir好野…其實費sir點會唔知西班牙人尤其加泰隆尼亞人永遠開波都係散漫d,睇得多巴塞多o既人都會發覺佢地好少早段入局同入波的…

唔知雲加開始明白阿仙奴同巴塞最大分別係乜未???艾沙雲加盟後對阿仙奴有少少好感同期望。

子濠: 下面link, 慢慢整,thx

http://www.uefa.com/trainingground/index.html#34004/2048/801974

http://www.uefa.com/trainingground/index.html#34004/2048/519169

http://www.uefa.com/trainingground/index.html#34004/2048/519167

http://www.uefa.com/trainingground/index.html#34004/2048/694875

http://www.uefa.com/trainingground/index.html#34004/2048/601290

http://www.uefa.com/trainingground/index.html#34004/2048/558154

http://www.uefa.com/trainingground/index.html#34004/2048/519170

http://www.uefa.com/trainingground/index.html#34004/2048/705443

http://www.uefa.com/trainingground/index.html#34004/2048/694869

http://www.uefa.com/trainingground/index.html#34004/2048/799256

http://www.uefa.com/trainingground/index.html#34004/2048/735655

http://www.uefa.com/trainingground/index.html#34004/2048/714247

http://www.uefa.com/trainingground/index.html#34004/2048/776017

http://www.uefa.com/trainingground/index.html#34004/2048/730181

http://www.uefa.com/trainingground/index.html#34004/2048/817376

http://www.uefa.com/trainingground/index.html#34004/2048/817384

http://www.uefa.com/trainingground/index.html#34001/2/831373

http://www.uefa.com/trainingground/index.html#34001/8388608/808393

http://www.uefa.com/trainingground/index.html#34001/8388608/735643

http://www.uefa.com/trainingground/index.html#34001/8388608/751935

http://www.uefa.com/trainingground/index.html#34001/8388608/746385

http://www.uefa.com/trainingground/index.html#34001/2/826837

http://www.uefa.com/trainingground/index.html#34001/2/788371

http://www.uefa.com/trainingground/index.html#34001/2/788378

http://www.uefa.com/trainingground/index.html#34001/2/788379

http://www.uefa.com/trainingground/index.html#34001/2/798099

http://www.uefa.com/trainingground/index.html#34001/2/802963

http://www.uefa.com/trainingground/index.html#34001/2/806796

http://www.uefa.com/trainingground/index.html#34001/2/811845

http://www.uefa.com/trainingground/index.html#34001/2/813234

Leave a Comment

Posted in 9唔搭8up

Posted by: gofootballer | 五月 28, 2009

Go Barca

講返對車仔場波先,有一樣野一定要承認 ——- 英超球隊決心鬥心同集中能力都比其他隊強。車仔球員好集中,尤其隊守時,紀律性超強,其實呢隊車仔都好岩希丁黑教。

記得有人講過:其實巴塞皇馬呢d踢法好on 居,如果採用車仔曼聯踢法,主守先,踢反擊,擺美斯一個人去踢反擊,效果一定不會去杜奧巴或c朗差…

其實大家一定唔明白西班牙人的足球哲學,尤其代表西班牙的巴塞皇馬,叫佢地唔踢進攻足球悅目足球,咁佢地情願唔踢。皇馬教練(如卡比路)就算幫球會擺到冠軍都要抄,就係因為踢得太保守唔好睇。拉莫斯明知唔夠巴塞攻,都要同巴塞對攻,結果比巴塞大數,但係皇馬fans們都會感覺好過在主場全場龜縮,結果0比0完場,起碼輸得有尊嚴,其實冇話對錯,只是文化差異。

今晚巴塞會唔會好似上年咁又輸比曼聯呢?國皇如果又將yaya好似第二回合對車仔咁(為對付杜o巴)擺去踢中堅,咁巴塞會失去中場壓迫力,今到曼聯(車仔)得到更多反擊機會。不過我覺得最關鍵係罰波同角球,巴塞防守角球罰球真係唔集中,進攻角球罰球又冇威脅(可能係球隊真頭覺得根本唔使靠死球去入波,所以都唔重視)。以前巴塞角球唔掂,但係點都有個射到罰波的,如李華度列基美細哨等,但呢班就完全冇……呢個世界點解咁多曼魚fans,今日開會,個個都曼魚die hard fans. GO BARCA!!!!